Ny Kari på kontoret!

Skjåk Almenning har tilsett ei “ny Kari” til kontormedarbeidarstillinga. Vi hadde fleire svært godt kvalifiserte søkjarar til stillinga inn til intervju, og må innrømme at det var vanskeleg å velje mellom så gode søkjarar.

38 år gamle Kari Lauten fekk tilbodet, og har takka ja til stillinga etter Kari Elin som har vore kontormeidarbeidar sidan 2007.

Kari Lauten er utdanna landskapsarkitekt frå NMBU, og har elles ei allsidig bakgrunn og erfaring også - som kontormedarbeidar.

Vi ynskjer vår nye Kari velkomen til Skjåk Almenning, og gler oss til ho byrjar utpå vårparten!

Samstundes ynskjer vi å takke alle søkjarane for interessa, vi er overvelda over kor mange flinke folk vi har i bygda!