Aktiv søkeportal for villreinjakt 2021
Søknadsportalane for villreinjakt 2021 opnar i dag, 3 mars. Søknadsskjema finn du her. Vi ynskjer både tidlegare og nye søkjarar velkomne til å søke om villreinjakt i Skjåk Almenning. Søknadsfristen går ut 15.april.
Litt informasjon om praksis for fordeling av fellingsløyver:
Skjåk Almenning er ei privat bygdealmenning. Dette inneber at ein blant anna står fritt til å fordele fellingsløyvene kvart år. I Skjåk Almenning er det ein fordelingspraksis som består av både trekking og tildeling. Alle innanbygds søkjarar får tildelt villreinjakt kvart år, og kategori dyr blir tildelt etter ei fast rullering. Den største delen av jaktkorta går likevel til utanbygds jegerar, og for utanbygds jegerar er det også mogleg å søkje som lag (inntil 5 jegerar). I tillegg til dette går eit visst antal fellingsløyver til lokale verksemder som sel tilbod med jaktguiding.
For 2021 har vi fått på plass nye søknadsskjema og nytt system for registrering av jaktsøknader. Signering og dokumentflyt vil nå bli utført elektronisk. Dersom søknaden din blir godkjent vil du etter kvart motta sms og e-post med signaturoppdrag for jegeravgift og jegerkontrakt.
Sjå meir informasjon om dei ulike områda under fana JAKT og “Jakt i villreinens rike”.
Foto: Per Dagsgard