Det er furua som dominerer i almennings-skogane i Skjåk. Den er seinvaksen, med smale årringar. Veden er varig og fargerik, og gjev liv og særpreg i tilverka materialar.  Øvst i liene og innst i dalane veks grov kraggfuru.  Desse pregar landskapet.  Nokre stader går skoggrensa opp i vel 1.000 m.o.h.  Der rår fjellbjørka grunnen.

Gjennom tidene har skogbruket vore bære-bjelken  i almenninga si samla virksomheit, både økonomisk og sysselsettjingsmessig.  Det er utløyst store fornybare ressursar som har kome heile lokalsamfunnet til gode.