Forvaltning og virksomheit
Skjåk Almenning er ei Bygdeallmenning, som det finst vel 50 av i landet. Bygdeallmenning er utmark, der jordbruket har ulike bruksrettar, og gardsbruk i fellesskap har eigedomsretten. Rettstilhøva byggjer på gamal sedvane nedfelt i "Lov om bygdeallmenninger".
Som dei fleste bygdeallmenningar, er Skjåk Almenning ei allsidig bedrift tufta på naturvennleg og fornuftig utnytting av fornybare utmarksressursar i generasjonar.
Ved sidan av forvaltning av eigedom, skog, vilt, fisk og hytteområde, bruks- og eigedomsrettar, driv vi eit omfattande skogbruk.
Gjennom dotterselskapet Skjåk Trelast as driv vi også ein betydeleg foredlings- og forretningsvirksomheit innan trelast og byggjevarer (BYGGERN Skjåk).
Skjåk Almenning er deleigar i hytteproduksjonsfirmaet Skjåk-Hedda Hytter as i Bismo.
Med si geografiske utstrekning og verksemd, er Skjåk Almenning ein sentral institusjon og aktør i kommunen. Almenninga betyr mykje for identitet, tilhøyrigheit, busetjing, sysselsetjing, økonomi, fritid og trivsel. I aukande grad tek tilreisande utmarka vår i bruk i samband med ferieopphald, hytteliv, jakt, fiske, bærplukking og andre former for friluftsliv.
Almenningsstyre
Frå april 2010 har almenningsstyret fylgjande samansetjing: Sverre Andersbakken (leiar), Sæbjørn Forberg (nestleiar), Liv Oddrun Maurstad, Rannveig Brennhaug, Jan Erik Mæhlum, Gudrun Ramstad og Kjell Egil Ramstad.
Kari Elin Sperstad er kontormedarbeidar. Når du ringjer almenningskontoret eller stikk innom er det som regel henne du møter. Kari Elin steller m.a. med utmarksrelaterte oppgåver som jakt, fiske og fritid, og hjelper deg gjerne dersom det er noko du lurer på.
Kjell Olstad er skogbruksleiar og naturoppsyn i Skjåk Almenning. I tillegg ser han etter dei mange almenningsbuene, og forsyner dei med ved, gass og naudsynt utstyr.
Birgit Bilstad er fiskerettleiar i tre-årig prosjektstilling. Oppfylgjing av "Handlingsplanen for innlandsfiskeressursane i Skjåk" og forvaltning av fiskeressursane er hovudarbeidsområdet. I tillegg kjem andre utmarksrelaterte oppgåver og naturoppsyn.
-
Almenningsstyrar Stig Aaboen.
-
Kari Elin Sperstad, kontormedarbeidar.
-
Kjell Olstad, skogbruksleiar og naturoppsyn i Skjåk Almenning.
-
