Ørretfiske i Skjåk? Hjå oss kan du fiske i fleire hundre vatn, tjønner og elver, frå nede i dalane og opp til 1400 m.o.h. 39 av vatna er større enn 500 dekar. Elvane strekkjer seg over tilsaman meir enn 230 km.Øvre delar av Otta-vassdraget med side-vassdrag vert rekna som framifrå fiskeelver, ikkje minst for flugefiske.

Fiskekortet gjeld heile kommunen, og kan løysast for stong eller stong/oter. På dei fleste vatna har vi opna for garnfiske også for utanbygdsbuande! Sjå liste over desse i fiskereglane.

Ein fiskefoldar gjev meir informasjon. Sjå og fiskereglar for 2008 HER

Reidskap
Frå 2008 opnar Skjåk Almenning for fiske med garn for utanbygdsbuande på alle vatn unntatt fylgjande grensevatn:

Kolbeinsvatnet (mot Stranda), Storvatnet (mot Lesja) og Leirungsvatnet (motLom). Lundadalsvatnet er også unnateke.

Kortsalg
Skjåk Almenning i Bismo. Elles campingplassar og andre service- og turistbedrifter.